NULIS NASKAH DRAMA TRADISIONAL
Tujuan : menjelaskan langkah-langkah menulis naskah drama tradisional
MATERI
NULIS NASKAH DRAMA TRADISIONAL
Naskah drama utawa skenario iku karangan kang isine crita utawa lakon sing dumadi saka pirang-pirang babak. Saben babak kaperang dadi pirang-pirang adegan. Saben adegan diwatesi owah-owahan swasana, papan, wektu utawa tekaning paraga liya.Naskah kuwi ngemot dialog, kahanane panggung (lampu, rias, busana, iringan ) kalebu katrangan ngenani kahanan utawa swasana, watak, lan tingkah lakuning paraga.
Urut-urutane nulis naskah drama tradisional :
1. tema
2. watak paraga
3. alur drama
4. cengkorangan naskah
5. nyusun naskah
1. Nemtokake Tema
Tema yaiku gagasan sing dianggo dhasar lakon
Tema bisa saka angen-angenmu dhewe, dijupuk saka kedadeyan nyata kang ing panguripan sadina-dina, utawa crita sing wis ana.
Bisa bab katresnan, perjuwangan, bebrayan, kulawarga lan sapanunggalane.
2. Nemtokake karakter lan watak paraga
Karakter lan watak paraga bisa dituduhake lumantar :
- katrangan langsung ing sajroning crita
- pacelathon atawa dialog
- solah tingkahe paraga
- pikiran utawa gagasane paraga
- sandhang panganggo lan pacake paraga.
Paraga miturut watake kaperang dadi telu :
- protagonis
- antagonis
- tritagonis
Protagonis lumrahe paraga sing disenengi dening wong sing maca utawa sing ndelok . Nduweni watak utama lan seneng tumindak becik.
Umpamane : grapyak semanak, lembah manah, seneng tetulung, lsp.
Antagonis lumrahe paraga sing digething wong kang maca utawa sing ndelok. Nduweni watak sing ala lan seneng tumindak ora becik.
Umpamane : angkuh, drengki, seneng gawe kisruh, lsp
Tritagonis lumrahe paraga kang nengahi perkara, ora mihak kana kene utawa netral.
3. Nyusun Alur Drama
Alur yaiku tahapan kadadeyan sajroning crita drama.
1. eksposisi : nepungake crita
2. konflik : wiwit muncule perkara
3. komplikasi : perkara dadi ruwet
4. klimaks : puncake perkara
5. resolusi : perkara wiwit ana kerampungane
6. keputusan : konflik rampung
4. Gawe Cengkorongan = kerangka
eksposisi - konflik - komplikasi - klimaks - resolusi - keputusan
5. Nulis Naskah
Sawise cengkorongan wis dadi dibacutake nulis naskah drama sing utuh kanthi nggatekake rerangkening kedadeyan, latar/ setting, prolog-dialog-epilog, pituduh tindak tanduk paraga jumbuh karo alur sing wis digawe.
Pacelathon utawa dialog ing naskah diarani WAWANCANG. Dene katrangan kang ditulis ana tandha kurung diarani PANDOM utawa KRAMAGUNG.
Supaya luwih jelas penjelasane, ayo disimak video iki
Gladhen
Goleka crita rakyat banjur gawea cengkorongan tumuli kembangna dadi naskah drama tradisional sababak wae!
